NON TE PASES CO PESO!

Imagen para una campaña promovida por el colegio de fisioterapeutas de Galicia y con la que se intenta combatir los problemas de espalda en niños.

Aquí el texto de los dípticos:

Para que as túas costas non se "queixen", elixe ben a mochila que levarás ao colexio:

-Non debe ser moi grande, estar feita dun material brando, con doustirantes anchos e acolchados e un cinto para que a ates.
-Levaa sempre ben enganchada ás costas, que non quede frouxa. Se a atas á cintura pesarache menos.
-Nunca a cargues sobre un só ombro.
-Énchea co imprescindible. Utiliza a taquilla do colexio para deixar o material máis pesado.
-Pon cada cousa no seu lugar dentro da mochila: coloca detrás de todo, pegado ás costas, as libretas e libros máis grandes, os que máis pesan.
-Se segue pesando moito, leva algunha cousa na man, como algunha carpeta.
-Cando a colgues ás costas, colócaa antes sobre unha mesa, dobra osxeonllos e cóllea coas dúas mans.
-Ao poñela e quitala, non fagas xiros nin movementos bruscos. Sóltaa cos dous tirantes ao mesmo tempo.
-Se prefires unha mochila de rodas, procura que a asa se poida regular átúa altura e, ¡sobre todo!, empúrraa sempre cara a diante, nunca a arrastres.

Ademais... cando chegues a clase, recorda que tamén é importante para as túas costas sentarte correctamente:

-Procura colocarte tan atrás como poidas na cadeira, apoiando os pés nochan e os xeonllos á altura da cadeira.
-Mantén as costas rectas e apoia os brazos e os cóbados na mesa.
-Se tes ordenador, sepárate polo menos 45 centímetros da pantalla.
-E recorda sempre que para coidar as costas o mellor é facer deporte.